Psa 126 | THOT | STEP | שִׁ֗יר הַֽ מַּ֫עֲל֥וֹת בְּ שׁ֣וּב יְ֭הוָה אֶת ־ שִׁיבַ֣ת צִיּ֑וֹן הָ֝יִ֗ינוּ כְּ חֹלְמִֽים ׃

‎ Psalms 126

1 שִׁיר הַֽמַּעֲלוֹת בְּשׁוּב יְהוָה אֶת־שִׁיבַת צִיּוֹן הָיִינוּ כְּחֹלְמִֽים׃ 2 אָז יִמָּלֵא שְׂחוֹק פִּינוּ וּלְשׁוֹנֵנוּ רִנָּה אָז יֹאמְרוּ בַגּוֹיִם הִגְדִּיל יְהוָה לַעֲשׂוֹת עִם־אֵֽלֶּה׃ 3 הִגְדִּיל יְהוָה לַעֲשׂוֹת עִמָּנוּ הָיִינוּ שְׂמֵחִֽים׃ 4 שׁוּבָה יְהוָה אֶת־שְׁבוּתֵנוּ ^{▼▼For Ketiv שְׁבוּתֵנוּ Qere= שְׁבִיתֵנוּ} כַּאֲפִיקִים בַּנֶּֽגֶב׃ 5 הַזֹּרְעִים בְּדִמְעָה בְּרִנָּה יִקְצֹֽרוּ׃ 6 הָלוֹךְ יֵלֵךְ׀ וּבָכֹה נֹשֵׂא מֶֽשֶׁךְ־הַזָּרַע בֹּֽא־יָבוֹא בְרִנָּה נֹשֵׂא אֲלֻמֹּתָֽיו׃