Psa 123 | THOT | STEP | שִׁ֗יר הַֽ מַּ֫עֲל֥וֹת אֵ֭לֶי ךָ נָשָׂ֣אתִי אֶת ־ עֵינַ֑ י הַ֝ יֹּשְׁבִ֗י בַּ שָּׁמָֽיִם ׃

‎ Psalms 123

1 שִׁיר הַֽמַּעֲלוֹת אֵלֶיךָ נָשָׂאתִי אֶת־עֵינַי הַיֹּשְׁבִי בַּשָּׁמָֽיִם׃ 2 הִנֵּה כְעֵינֵי עֲבָדִים אֶל־יַד אֲֽדוֹנֵיהֶם כְּעֵינֵי שִׁפְחָה אֶל־יַד גְּבִרְתָּהּ כֵּן עֵינֵינוּ אֶל־יְהוָה אֱלֹהֵינוּ עַד שֶׁיְּחָנֵּֽנוּ׃ 3 חָנֵּנוּ יְהוָה חָנֵּנוּ כִּֽי־רַב שָׂבַעְנוּ בֽוּז׃ 4 רַבַּת שָֽׂבְעָה־לָּהּ נַפְשֵׁנוּ הַלַּעַג הַשַּׁאֲנַנִּים הַבּוּז לְגַאֲיוֹנִים׃ ^{▼▼For Ketiv לְגַאֲיוֹנִים׃ Qere= לִגְאֵי יוֹנִים׃}