Dan 4 | THOT | STEP | אֲנָ֣ה נְבוּכַדְנֶצַּ֗ר שְׁלֵ֤ה הֲוֵית֙ בְּ בֵיתִ֔ י וְ רַעְנַ֖ן בְּ הֵיכְלִֽ י ׃

‎ Daniel 4

1 ^{▼▼English Ref=4.4} אֲנָה נְבוּכַדְנֶצַּר שְׁלֵה הֲוֵית בְּבֵיתִי וְרַעְנַן בְּהֵיכְלִֽי׃ 2 ^{▼▼English Ref=4.5} חֵלֶם חֲזֵית וִֽידַחֲלִנַּנִי וְהַרְהֹרִין עַֽל־מִשְׁכְּבִי וְחֶזְוֵי רֵאשִׁי יְבַהֲלֻנַּֽנִי׃ 3 ^{▼▼English Ref=4.6} וּמִנִּי שִׂים טְעֵם לְהַנְעָלָה קָֽדָמַי לְכֹל חַכִּימֵי בָבֶל דִּֽי־פְשַׁר חֶלְמָא יְהֽוֹדְעֻנַּֽנִי׃ 4 ^{▼▼English Ref=4.7} בֵּאדַיִן עָלֲלִין ^{▼▼For Ketiv עָלֲלִין Qere= עָלִּין} חַרְטֻמַיָּא אָֽשְׁפַיָּא כַּשְׂדָּיֵא ^{▼▼For Ketiv כַּשְׂדָּיֵא Qere= כַּשְׂדָּאֵי} וְגָזְרַיָּא וְחֶלְמָא אָמַר אֲנָה קֳדָמֵיהוֹן וּפִשְׁרֵהּ לָא־מְהוֹדְעִין לִֽי׃ 5 ^{▼▼English Ref=4.8} וְעַד אָחֳרֵין עַל קָֽדָמַי דָּנִיֵּאל דִּֽי־שְׁמֵהּ בֵּלְטְשַׁאצַּר כְּשֻׁם אֱלָהִי וְדִי רֽוּחַ־אֱלָהִין קַדִּישִׁין בֵּהּ וְחֶלְמָא קָֽדָמוֹהִי אַמְרֵֽת׃ 6 ^{▼▼English Ref=4.9} בֵּלְטְשַׁאצַּר רַב חַרְטֻמַיָּא דִּי׀ אֲנָה יִדְעֵת דִּי רוּחַ אֱלָהִין קַדִּישִׁין בָּךְ וְכָל־רָז לָא־אָנֵס לָךְ חֶזְוֵי חֶלְמִי דִֽי־חֲזֵית וּפִשְׁרֵהּ אֱמַֽר׃ 7 ^{▼▼English Ref=4.10} וְחֶזְוֵי רֵאשִׁי עַֽל־מִשְׁכְּבִי חָזֵה הֲוֵית וַאֲלוּ אִילָן בְּגוֹא אַרְעָא וְרוּמֵהּ שַׂגִּֽיא׃ 8 ^{▼▼English Ref=4.11} רְבָה אִֽילָנָא וּתְקִף וְרוּמֵהּ יִמְטֵא לִשְׁמַיָּא וַחֲזוֹתֵהּ לְסוֹף כָּל־אַרְעָֽא׃ 9 ^{▼▼English Ref=4.12} עָפְיֵהּ שַׁפִּיר וְאִנְבֵּהּ שַׂגִּיא וּמָזוֹן לְכֹלָּא־בֵהּ תְּחֹתוֹהִי תַּטְלֵל׀ חֵיוַת בָּרָא וּבְעַנְפוֹהִי יְדֻרוּן ^{▼▼For Ketiv יְדֻרוּן Qere= יְדוּרָן} צִפֲּרֵי שְׁמַיָּא וּמִנֵּהּ יִתְּזִין כָּל־בִּשְׂרָֽא׃ 10 ^{▼▼English Ref=4.13} חָזֵה הֲוֵית בְּחֶזְוֵי רֵאשִׁי עַֽל־מִשְׁכְּבִי וַאֲלוּ עִיר וְקַדִּישׁ מִן־שְׁמַיָּא נָחִֽת׃ 11 ^{▼▼English Ref=4.14} קָרֵא בְחַיִל וְכֵן אָמַר גֹּדּוּ אִֽילָנָא וְקַצִּצוּ עַנְפוֹהִי אַתַּרוּ עָפְיֵהּ וּבַדַּרוּ אִנְבֵּהּ תְּנֻד חֵֽיוְתָא מִן־תַּחְתּוֹהִי וְצִפְּרַיָּא מִן־עַנְפֽוֹהִי׃ 12 ^{▼▼English Ref=4.15} בְּרַם עִקַּר שָׁרְשׁוֹהִי בְּאַרְעָא שְׁבֻקוּ וּבֶֽאֱסוּר דִּֽי־פַרְזֶל וּנְחָשׁ בְּדִתְאָא דִּי בָרָא וּבְטַל שְׁמַיָּא יִצְטַבַּע וְעִם־חֵיוְתָא חֲלָקֵהּ בַּעֲשַׂב אַרְעָֽא׃ 13 ^{▼▼English Ref=4.16} לִבְבֵהּ מִן־אֱנוֹשָׁא ^{▼▼For Ketiv אֱנוֹשָׁא Qere= אֲנָשָׁא} יְשַׁנּוֹן וּלְבַב חֵיוָה יִתְיְהִב לֵהּ וְשִׁבְעָה עִדָּנִין יַחְלְפוּן עֲלֽוֹהִי׃ 14 ^{▼▼English Ref=4.17} בִּגְזֵרַת עִירִין פִּתְגָמָא וּמֵאמַר קַדִּישִׁין שְׁאֵֽלְתָא עַד־דִּבְרַת דִּי יִנְדְּעוּן חַיַּיָּא דִּֽי־שַׁלִּיט עִלָּיָא ^{▼▼For Ketiv עִלָּיָא Qere= עִלָּאָה} בְּמַלְכוּת אֱנוֹשָׁא ^{▼▼For Ketiv אֱנוֹשָׁא Qere= אֲנָשָׁא} וּלְמַן־דִּי יִצְבֵּא יִתְּנִנַּהּ וּשְׁפַל אֲנָשִׁים יְקִים עֲלַיַּהּ׃ ^{▼▼For Ketiv עֲלַיַּהּ׃ Qere= עֲלַֽהּ׃} 15 ^{▼▼English Ref=4.18} דְּנָה חֶלְמָא חֲזֵית אֲנָה מַלְכָּא נְבוּכַדְנֶצַּר וְאַנְתָּה ^{▼▼For Ketiv וְאַנְתָּה Qere= וְאַנְתְּ} בֵּלְטְשַׁאצַּר פִּשְׁרֵא׀ אֱמַר כָּל־קֳבֵל דִּי׀ כָּל־חַכִּימֵי מַלְכוּתִי לָֽא־יָכְלִין פִּשְׁרָא לְהוֹדָעֻתַנִי וְאַנְתָּה ^{▼▼For Ketiv וְאַנְתָּה Qere= וְאַנְתְּ} כָּהֵל דִּי רֽוּחַ־אֱלָהִין קַדִּישִׁין בָּֽךְ׃ 16 ^{▼▼English Ref=4.19} אֱדַיִן דָּֽנִיֵּאל דִּֽי־שְׁמֵהּ בֵּלְטְשַׁאצַּר אֶשְׁתּוֹמַם כְּשָׁעָה חֲדָה וְרַעְיֹנֹהִי יְבַהֲלֻנֵּהּ עָנֵה מַלְכָּא וְאָמַר בֵּלְטְשַׁאצַּר חֶלְמָא וּפִשְׁרֵא אַֽל־יְבַהֲלָךְ עָנֵה בֵלְטְשַׁאצַּר וְאָמַר מָרְאִי ^{▼▼For Ketiv מָרְאִי Qere= מָרִי} חֶלְמָא לְשָׂנְאַיִךְ ^{▼▼For Ketiv לְשָׂנְאַיִךְ Qere= לְשָֽׂנְאָךְ} וּפִשְׁרֵהּ לְעָרַיִךְ׃ ^{▼▼For Ketiv לְעָרַיִךְ׃ Qere= לְעָרָֽךְ׃} 17 ^{▼▼English Ref=4.20} אִֽילָנָא דִּי חֲזַיְתָ דִּי רְבָה וּתְקִף וְרוּמֵהּ יִמְטֵא לִשְׁמַיָּא וַחֲזוֹתֵהּ לְכָל־אַרְעָֽא׃ 18 ^{▼▼English Ref=4.21} וְעָפְיֵהּ שַׁפִּיר וְאִנְבֵּהּ שַׂגִּיא וּמָזוֹן לְכֹלָּא־בֵהּ תְּחֹתוֹהִי תְּדוּר חֵיוַת בָּרָא וּבְעַנְפוֹהִי יִשְׁכְּנָן צִפֲּרֵי שְׁמַיָּֽא׃ 19 ^{▼▼English Ref=4.22} אַנְתָּה ^{▼▼For Ketiv אַנְתָּה Qere= אַנְתְּ} הוּא מַלְכָּא דִּי רְבַית וּתְקֵפְתְּ וּרְבוּתָךְ רְבָת וּמְטָת לִשְׁמַיָּא וְשָׁלְטָנָךְ לְסוֹף אַרְעָֽא׃ 20 ^{▼▼English Ref=4.23} וְדִי חֲזָה מַלְכָּא עִיר וְקַדִּישׁ נָחִת׀ מִן־שְׁמַיָּא וְאָמַר גֹּדּוּ אִֽילָנָא וְחַבְּלוּהִי בְּרַם עִקַּר שָׁרְשׁוֹהִי בְּאַרְעָא שְׁבֻקוּ וּבֶאֱסוּר דִּֽי־פַרְזֶל וּנְחָשׁ בְּדִתְאָא דִּי בָרָא וּבְטַל שְׁמַיָּא יִצְטַבַּע וְעִם־חֵיוַת בָּרָא חֲלָקֵהּ עַד דִּֽי־שִׁבְעָה עִדָּנִין יַחְלְפוּן עֲלֽוֹהִי׃ 21 ^{▼▼English Ref=4.24} דְּנָה פִשְׁרָא מַלְכָּא וּגְזֵרַת עִלָּיָא ^{▼▼For Ketiv עִלָּיָא Qere= עִלָּאָה} הִיא דִּי מְטָת עַל־מַרְאִי ^{▼▼For Ketiv מַרְאִי Qere= מָרִי} מַלְכָּֽא׃ 22 ^{▼▼English Ref=4.25} וְלָךְ טָֽרְדִין מִן־אֲנָשָׁא וְעִם־חֵיוַת בָּרָא לֶהֱוֵה מְדֹרָךְ וְעִשְׂבָּא כְתוֹרִין׀ לָךְ יְטַֽעֲמוּן וּמִטַּל שְׁמַיָּא לָךְ מְצַבְּעִין וְשִׁבְעָה עִדָּנִין יַחְלְפוּן עֲלַיִךְ ^{▼▼For Ketiv עֲלַיִךְ Qere= עֲלָךְ} עַד דִּֽי־תִנְדַּע דִּֽי־שַׁלִּיט עִלָּיָא ^{▼▼For Ketiv עִלָּיָא Qere= עִלָּאָה} בְּמַלְכוּת אֲנָשָׁא וּלְמַן־דִּי יִצְבֵּא יִתְּנִנַּֽהּ׃ 23 ^{▼▼English Ref=4.26} וְדִי אֲמַרוּ לְמִשְׁבַּק עִקַּר שָׁרְשׁוֹהִי דִּי אִֽילָנָא מַלְכוּתָךְ לָךְ קַיָּמָה מִן־דִּי תִנְדַּע דִּי שַׁלִּטִן שְׁמַיָּֽא׃ 24 ^{▼▼English Ref=4.27} לָהֵן מַלְכָּא מִלְכִּי יִשְׁפַּר עֲלַיִךְ ^{▼▼For Ketiv עֲלַיִךְ Qere= עֲלָךְ} וַחֲטָיָךְ ^{▼▼For Ketiv וַחֲטָיָךְ Qere= וַחֲטָאָךְ} בְּצִדְקָה פְרֻק וַעֲוָיָתָךְ בְּמִחַן עֲנָיִן הֵן תֶּהֱוֵא אַרְכָה לִשְׁלֵוְתָֽךְ׃ 25 ^{▼▼English Ref=4.28} כֹּלָּא מְּטָא עַל־נְבוּכַדְנֶצַּר מַלְכָּֽא׃פ 26 ^{▼▼English Ref=4.29} לִקְצָת יַרְחִין תְּרֵֽי־עֲשַׂר עַל־הֵיכַל מַלְכוּתָא דִּי בָבֶל מְהַלֵּךְ הֲוָֽה׃ 27 ^{▼▼English Ref=4.30} עָנֵה מַלְכָּא וְאָמַר הֲלָא דָא־הִיא בָּבֶל רַבְּתָא דִּֽי־אֲנָה בֱנַיְתַהּ לְבֵית מַלְכוּ בִּתְקַף חִסְנִי וְלִיקָר הַדְרִֽי׃ 28 ^{▼▼English Ref=4.31} עוֹד מִלְּתָא בְּפֻם מַלְכָּא קָל מִן־שְׁמַיָּא נְפַל לָךְ אָֽמְרִין נְבוּכַדְנֶצַּר מַלְכָּא מַלְכוּתָה עֲדָת מִנָּֽךְ׃ 29 ^{▼▼English Ref=4.32} וּמִן־אֲנָשָׁא לָךְ טָֽרְדִין וְֽעִם־חֵיוַת בָּרָא מְדֹרָךְ עִשְׂבָּא כְתוֹרִין לָךְ יְטַעֲמוּן וְשִׁבְעָה עִדָּנִין יַחְלְפוּן עִלַיִךְ ^{▼▼For Ketiv עִלַיִךְ Qere= עֲלָךְ} עַד דִּֽי־תִנְדַּע דִּֽי־שַׁלִּיט עִלָּיָא ^{▼▼For Ketiv עִלָּיָא Qere= עִלָּיָא} בְּמַלְכוּת אֲנָשָׁא וּלְמַן־דִּי יִצְבֵּא יִתְּנִנַּֽהּ׃ 30 ^{▼▼English Ref=4.33} בַּהּ־שַׁעֲתָא מִלְּתָא סָפַת עַל־נְבוּכַדְנֶצַּר וּמִן־אֲנָשָׁא טְרִיד וְעִשְׂבָּא כְתוֹרִין יֵאכֻל וּמִטַּל שְׁמַיָּא גִּשְׁמֵהּ יִצְטַבַּע עַד דִּי שַׂעְרֵהּ כְּנִשְׁרִין רְבָה וְטִפְרוֹהִי כְצִפְּרִֽין׃ 31 ^{▼▼English Ref=4.34} וְלִקְצָת יֽוֹמַיָּה אֲנָה נְבוּכַדְנֶצַּר עַיְנַי׀ לִשְׁמַיָּא נִטְלֵת וּמַנְדְּעִי עֲלַי יְתוּב וּלְעִלָּיָא ^{▼▼For Ketiv וּלְעִלָּיָא Qere= וּלְעִלָּאָה} בָּרְכֵת וּלְחַי עָלְמָא שַׁבְּחֵת וְהַדְּרֵת דִּי שָׁלְטָנֵהּ שָׁלְטָן עָלַם וּמַלְכוּתֵהּ עִם־דָּר וְדָֽר׃ 32 ^{▼▼English Ref=4.35} וְכָל־דָּאֲרֵי ^{▼▼For Ketiv דָּאֲרֵי Qere= דָּיְרֵי} אַרְעָא כְּלָה חֲשִׁיבִין וּֽכְמִצְבְּיֵהּ עָבֵד בְּחֵיל שְׁמַיָּא וְדָאֲרֵי ^{▼▼For Ketiv וְדָאֲרֵי Qere= וְדָיְרֵי} אַרְעָא וְלָא אִיתַי דִּֽי־יְמַחֵא בִידֵהּ וְיֵאמַר לֵהּ מָה עֲבַֽדְתְּ׃ 33 ^{▼▼English Ref=4.36} בֵּהּ־זִמְנָא מַנְדְּעִי׀ יְתוּב עֲלַי וְלִיקַר מַלְכוּתִי הַדְרִי וְזִוִי יְתוּב עֲלַי וְלִי הַדָּֽבְרַי וְרַבְרְבָנַי יְבַעוֹן וְעַל־מַלְכוּתִי הָתְקְנַת וּרְבוּ יַתִּירָה הוּסְפַת לִֽי׃ 34 ^{▼▼English Ref=4.37} כְּעַן אֲנָה נְבוּכַדְנֶצַּר מְשַׁבַּח וּמְרוֹמֵם וּמְהַדַּר לְמֶלֶךְ שְׁמַיָּא דִּי כָל־מַעֲבָדוֹהִי קְשֹׁט וְאֹרְחָתֵהּ דִּין וְדִי מַהְלְכִין בְּגֵוָה יָכִל לְהַשְׁפָּלָֽה׃פ